හිස්බුල්ලාගේ ආරක්ෂකයෙක් දොරටුපාල වෙලා : ෂරියා සරසවියට ගිය මාධ්‍යවේදීන් පැය 3ක් දොරටුව ළඟ…

0
124

නැගෙනහිර පළාත් ආණ්ඩුකාර එම්.එල්.එම්. හිස්බුල්ලාගේ ප්‍රධානත්වයෙන් අද(17) පූනාහි පිහිටි ෂරියා විශ්වවිද්‍යාලයේ රැස්වීම වාර්තා කිරීමට ගිය මාධ්‍යවේදීන්ට ආණ්ඩුකාරවරයාගේ පෞද්ගලික ආරක්ෂකයකු ඊට ඇතුළත්වීමට ඉඩනොදීම නිසා ප්‍රධාන දොරටුව අසළ පැය කිහිපයක් රැඳී සිටීමට ඔවුන්ට සිදුවිය.

මාධ්‍යවේදීන්ට ෂරියා විශ්වවිද්‍යාලයට ඇතුළුවීමට ආරක්ෂක අංශවලින් අවස්ථාව ලැබී තිබුණ ද, පෞද්ගලික ආරක්ෂකයාගේ මැදිහත්වීම හේතුවෙන් ඔවුන්ට පැය තුනක පමණ කාලයක් දොරටුව ඉදිරිපිට සිටීමට සිදුවිණි.

අනතුරුව පොළොන්නරුව ශාසනාරක්ෂක බල මණ්ඩලයේ හිටපු ලේඛකාධිකාරී දිඹුලාගල රාහුලාලංකාර නාහිමියෝ එම අවස්ථාවට පැමිණ ආරක්ෂක අංශවල අවසරය මත මාධ්‍යවේදීන් ෂරියා විශ්වවිද්‍යාලය තුළට රැගෙන යාමට කටයුතු කළහ.

එහි ගොඩනැගිලි නිරීක්ෂණය කිරීමට නැගෙනහිර පළාත් ආණ්ඩුකාර ලේකම් එම්. තාහිර් විසින් මාධ්‍යවේදීන්ට අවස්ථාව සලසා දී තිබුණ ද, රැස්වීම වාර්තාකිරීමට ඔවුන්ට ආරාධනා ලැබුණ ද ඊට අවස්ථාව හිමිවී නොතිබුණි.

මෙම රැස්වීම සඳහා නැගෙනහිර පළාත් ආණ්ඩුකාර එම්. එල්. එම්. හිස්බුල්ලා, උසස් අධ්‍යාපන අමාත්‍යංශයේ ශාඛා කමිටු සභාපති කොළඹ දිස්ත්‍රික් එක්සත් ජාතික පක්ෂ පාර්ලිමේන්තු මන්ත්‍රී ආශු මාරසිංහ, මඩකලපුව දෙමළ සන්ධාන පාර්ලිමේන්තු මන්ත්‍රීවරයෙක් ද, ශ්‍රී ලංකා මහවැලි අධිකාරිය සහ අධ්‍යාපන අමාත්‍යංශයේ උසස් නිලධාරීහු රැසක් ද එක්ව සිටියහ.

(නිමල් ජයරත්න)

LEAVE A REPLY

Please enter your comment!
Please enter your name here