රිෂාඩ් බදියුදීන්, අසාද් සාලි සහ හිස්බුල්ලාට එරෙහිව පොලීසියට පැමිණිලි 10 ක්…

0
121

එම්.එල්.ඒ.එම්. හිස්බුල්ලා, අසාද් සාලි යන හිටපු ආණ්ඩුකාරවරුන් සහ හිටපු අමාත්‍ය රිෂාඩ් බදියුදීන් යන අයට එරෙහිව පැමිණිලි භාර ගැනීම සඳහා ක්‍රියාත්මක පොලිස් කමිටුවට මේ වනවිට පැමිණිලි 10 ක් ලැබී තිබේ.

ඉන් පැමිණිලි 6 ක් හිටපු අමාත්‍ය රිෂාඩ් බදියුදීන් ට එරෙහිව ලැබී ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර ප්‍රකාශ කළේ ය.

පැමිණිලි 3 ක් ලැබී ඇත්තේ, බස්නාහිර පළාත් හිටපු ආණ්ඩුකාර අසාද් සාලි ට එරෙහිවයි.

නැගෙනහිර පළාත් හිටපු ආණ්ඩුකාර එම්.එල්.ඒ.එම්. හිස්බුල්ලා ට එරෙහිව එක් පැමිණිල්ලක් ලැබී ඇතැයි, පොලිස් මාධ්‍ය ප්‍රකාශකවරයා සඳහන් කළේය.

එම්.එල්.ඒ.එම්. හිස්බුල්ලා, අසාද් සාලි යන හිටපු ආණ්ඩුකාරවරුන් සහ හිටපු අමාත්‍ය රිෂාඩ් බදියුරීදීන් යන අය ට එරෙහිව පැමිණිලි භාර ගැනීමට පොලිස් මූලස්ථානයේ ජ්‍යෙෂ්ඨ නිලධාරීන් තුන්දෙනෙකුගෙන් සමන්විත කමිටුවක් පසුගිය 04 වනදා පත් කෙරිණි.

එම කමිටුව ජ්‍යෙෂ්ඨ පොලිස් අධිකාරිවරයෙකු සහ පොලිස් අධිකාරිවරුන් දෙදෙනෙකුගෙන් සමන්විත ය.

ඒ අනුව අදාල පැමිණිලි හෙට පස්වරු 4 දක්වා පොලිස් මූලස්ථානය වෙත ඉදිරිපත් කළ හැකි බව, පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සඳහන් කළේය.

ඒ අනුව, අද සහ හෙට පෙරවරු 8 සිට සවස 4 දක්වා පැමිණිලි භාර ගනු ඇති.

සෑම පැමිණිල්ලක්ම ලිඛිතව භාරදිය යුතු බව ද, පොලිස් මාධ්‍ය ප්‍රකාශකවරයා සඳහන් කළේය.

LEAVE A REPLY

Please enter your comment!
Please enter your name here