මහින්ද රාජපක්ෂ රජයේ තේරීම් කාරකසභාවන්ට නියෝජිතයින් පත්කරයි…

0
91

අග්‍රාමාත්‍ය මහින්ද රාජපක්ෂ යටතේ නව රජයේ පාර්ලිමේන්තු තේරීම් කාරක සභාව සඳහා ආණ්ඩු පක්ෂ නියෝජිතයින් පත් කිරීම අද සිදුකරන බව එක්සත් ජනතා නිදහස් සංධානය ආරංචිමාර්ග පවසයි.

පාර්ලිමේන්තු මන්ත්‍රී වාසුදේව නානායක්කාර ඒ බව සඳහන් කළේ, ජනාධිපති මෙත්‍රීපාල සිරිසේන අග්‍රාමාත්‍ය මහින්ද රාජපක්ෂ හා ආණ්ඩු පක්ෂ මැතිඇමතිවරුන් අතර ඊයේ රාත්‍රියේ ජනාධිපති නිල නිවසේ පැවැති හමුවෙන් පසු මාධ්‍යයට අදහස් දක්වමිනි.

මේ අතර පාර්ලිමේන්තුව නියෝජනය කරන අනෙක් පක්ෂවලින් ද, තේරීම් කාරක සභාව සඳහා නියෝජිතයින් නම් කිරීමෙන් පසු තේරීම් කාරක සභාව පාර්ලිමේන්තුවට ඉදිරිපත් කිරිමට නියමිතව තිබේ.

පාර්ලිමේන්තුවේ ජ්‍යෙෂ්ඨ ප්‍රකාශකයෙකු සඳහන් කෙළ්, කථානායකවරාය විසින් එම කාරක සභාව පාර්ලිමේන්තුවට ප්‍රකාශ කරනු ඇති බවයි.

ලබන සිකුරාදා එම කාරක සභාව කථානායකවරයා විසින් පාර්ලිමේන්තුවට ඉදිරිපත් කරනු ඇතැයි ද, ඔහු සඳහන් කළේ ය.

තේරීම් කාරක සභාව යනු ආංශික අධික්ෂණ කාරක සභාවල සහ අමාත්‍යංශ උපදේශන කාරක සභාවල සංයුතිය සාමාජික සංඛ්‍යාව කර්තව්‍ය සහ ඝන පුර්ණය තීරණය කිරීම වෙනුවෙන් පත්කරන විශේෂ කාර්යයන් සඳහා වන කාරක සභාවකි.

කථානායකතුමාගේ සභාපතිත්වයෙන් සෙසු සමාජිකයින් 12 දෙනෙකු සහිතව පත්කරන මෙම කාරක සභාව මගින් පාර්ලිමේන්තු කටයුතු පිළිබඳ කාරක සභාව ඇතුළු කාරක සභා 12 ක පත්කිරීම් සිදුකෙරෙයි.

මෙම කාරක සභා අතරට පොදු ව්‍යාපාර කාරක සභාව සහ රාජ්‍ය ගිණුම් කාරක සභාව ද ඇතුළත් ය.

ඊයේ පස්වරුවේ පාර්ලිමේන්තුව රැස්වූ අවස්ථාවේ නියෝජ්‍ය කතානායක ආනන්ද කුමාරසිරි සඳහන් කළේ, තේරීම් කාරක සභාව සඳහා පාර්ලිමේන්තුව නියෝජනය කරන දේශපාලන පක්ෂ නියෝජනයවන පරිදි නියෝජිතයින් නම් කර, හැකි ඉක්මනින් පාර්ලිමේන්තුවේ මහලේකම් වෙත එවන ලෙසයි.

LEAVE A REPLY

Please enter your comment!
Please enter your name here